makal | N.OS

   മകള്‍ | N.OS
   

മകള്‍

"ചേട്ടാ വണ്ടി ഒന്നു
പെട്ടന്നു വിടമോ?" ഇത് തുടരെ കേട്ടുകൊണ്ട് ഇരുന്ന കൊണ്ടാകാം ഡ്രൈവർക്ക് ഒരു മടിപ്പ് അനുഭവപെട്ടു . "ഞാൻ കാറാണ് ഓടിക്കുന്നത് വിമാനം അല്ല" എല്ലാം ഡ്രൈവർമാരെയും പോലെ അയാൾ മറുപടി പറഞ്ഞു .

പ്രവാസി ആണല്ലേ? ഡ്രൈവർ അവനോടു ചോദിച്ചു.

"അതെ" എന്ന അവന്റെ മറുപടിക്ക് പിറകെ ഡ്രൈവർ വേറൊരു ചോദ്യം , ഭാര്യയെ കാണാനാണോ ഇത്രയും തിടുക്കം ?

"ഏയ് അല്ല എനിക്കെന്റെ മോളെ കാണണം" മോളെ എന്നുള്ള വിളിയിൽ അവന്റെ കണ്ണിൽ വാത്സല്യത്തിന്റെ മിഴിനീർ രൂപപ്പെട്ടു .

മൂന്നു വർഷം മുൻപാണ് ഞാനെന്റെ ഗർഭിണിയായ ഭാര്യയെ ഒറ്റക്കാക്കി അങ്ങോട്ടു പോയത് , അവൻ പറഞ്ഞു തുടങ്ങി .

" മൂന്നു വർഷങ്ങൾക്ക് ശേഷം വീണ്ടും നാട്ടിലേക്ക് ,".

"ഇപ്പോൾ എന്റെ മകൾക്ക് മൂന്ന് വയസ്സായി , ഞാൻ ഇതുവരെ അവളെ കണ്ടട്ടില്ല ."

"ഫോണിലൂടെ അവളെന്നെ അച്ഛാ എന്നു വിളിക്കും , ആ വിളി മാത്രമേ കെട്ടിട്ടുള്ളൂ ",
ഇന്നെന്റെ മോളെ എനിക് കാണണം കൊതി തീരുവോളം ഉമ്മ വെക്കണം , ചോറു വാരി കൊടുക്കണം , അവളോടൊപ്പം കളിക്കണം ".

"അവൾ എന്നെ പോലെയായെന്നാണ് 'അമ്മ പറഞ്ഞത് , എന്റെ കണ്ണുകളാണവൾക് ". ആയാൾ സ്വബോധമില്ലാതെ പറഞ്ഞു കൊണ്ടിരുന്നു.

പെട്ടന്ന് ഡ്രൈവർ കാർ നിർത്തി , " ആശുപത്രിയിലേക്ക് അല്ലേ പോകേണ്ടത് "? ഡ്രൈവർ തിരക്കി .

"അതേ ചേട്ടാ മോൾക് ചെറിയ പനി അവർ ഹോസ്പിറ്റലിൽ നിൽക്കാം എന്നാണ് പറഞ്ഞത് " , അവൻ പറഞ്ഞു തീരും മുൻപേ വണ്ടി ഹോസ്പിറ്റൽ കവാടത്തിലേയ്ക്ക് പ്രവേശിച്ചു .

വണ്ടി നിർത്തിയതും അവൻ ഹോസ്പിറ്റലിലേക്ക് ഓടി കയറി , മകളെ കാണാനുള്ള വ്യഗ്രത അവനിൽ പ്രകടമായിരുന്നു .

പക്ഷെ പെട്ടന്ന് തന്നെ അവൻ തിരിച്ചു വന്നു .

"എന്ത് പറ്റി , മകൾ എവിടെ" ? ഡ്രൈവർ തിരക്കി .

"അവർ വീട്ടിലേക്കു പോയെന്നു , ഇനിയിപ്പോൾ വീട്ടിൽ ചെന്നിട്ട് കാണാം " എന്നുപറഞ്ഞു അവൻ നിരാശയോടെ വണ്ടിയിലേക്ക് കയറി .

പക്ഷെ ഇപ്രാവശ്യം പറയാതെ തന്നെ വണ്ടിയുടെ വേഗത കൂടി .

"സാർ ഇതാണോ വീട്" ഡ്രൈവർ ചോദിച്ചു.

പക്ഷെ അവിടെ എന്തോ അസ്വാഭാവികത നിറഞ്ഞു നിന്നു . ഇളം ചൂട് കാറ്റിൽ വീടിനു മുൻപിൽ കെട്ടിയ കറുത്തകൊടി പാറി തുടങ്ങി .
എല്ലാവരുടെയും മുഖത്ത് സഹതാപം , ചിലർ ചുറ്റും കൂടിനിന്നു എന്തൊക്കയോ പറയുന്നുണ്ട് .

അവന്റെ കണ്ണുകൾ തന്റെ മകൾക്കായി പരതാൻ തുടങ്ങി , .

ഉമ്മറത്തിണ്ണയിൽ അച്ഛന്റെ അന്ത്യചുംബനത്തിനായി കാത്തു കിടക്കുന്ന മകൾ ,
അവന്റെ കണ്ണുകൾ അണപൊട്ടി , നിറഞ്ഞ കണ്ണുകളോടെ അവൻ ആകാശത്തിലേക്ക് നോക്കി ഉറക്കെ നിലവിളിച്ചു " എന്റെ മോളെ ....."